سوال

 ایک شخض نے نکاح پڑھایا عورت سے توایجاب قبول کرایاگیاشوہر سےحق مہر بھی لیاگیا چھ ہزار عورت کو دیا گیا لیکن  مرد سے ایجاب نہیں کرایاگیا پھر دعا خیر ،مٹھائی وغیرہ تقسیم ہوگئی ، رخصتی بھی ہوگئی اب نکاح خواں کہتا ہےمجھے مرد سے ایجاب قبول کرانا بھول گیا مردبھی خوش ہے پوچھنا ہے کہ نکاح اس طرح ہوگیا ہے یا دوبارہ کرانا پڑے گا؟

جواب

صورت مسئولہ میں اگر  قاضی نے کوئی بھی ایسا جملہ کہا ہو جس سے  دولہا کی طرف سے ایجاب ہوا ہو مثلاً یہ کہ" میں فلاں کا نکاح آپ سے کرتا ہوں کیا آپ نے قبول کیا" اور دلہن نے کہا کہ" میں نے قبول کیا" ،پھر اگر دولہا اسی مجلس میں موجود تھا یا موجود نہیں تھا لیکن معلوم ہونے پر اس نے رضامندی کا اظہار کردیا چاہے قول سے ہو یا فعل یعنی  مہرادا کر کے   تو ایسی صورت میں نکاح ہو گیا ہے ۔اگر اس کے علاوہ کوئی اور صورت ہو تو وہ تفصیل  بتا کر معلوم کر لیں ۔ 

فتاوی شامی  میں ہے:

"الأصل أن الآمر متى حضر جعل مباشرا"

(کتاب النکاح، ج:3، ص:25، ط:سعید)

فتاوی عالمگیری میں ہے:

"وتثبت الإجازة لنكاح الفضولي بالقول والفعل، كذا في البحر الرائق رجل زوج رجلا امرأة بغير إذنه فبلغه الخبر فقال: نعم ما صنعت، أو بارك الله لنا فيها، أو قال: أحسنت، أو أصبت؛ كان إجازة، كذا في فتاوى قاضي خان وهو المختار اختاره الشيخ أبو الليث، كذا في المحيط وإذا علم أنه أراد به الاستهزاء بسوق الكلام على وجه الاستهزاء فحينئذ لا يكون إجازة ولو هنأه القوم فقبل التهنئة كان إجازة هكذا في فتاوى قاضي خان وفي الحجة قال الفقيه: وبه نأخذ، كذا في التتارخانية"

(کتاب النکاح، باب فی الوکالة بالنکاح، ج:1، ص:299، ط:رشیدیه)

فقط والله اعلم