ڈاکٹر اسرار احمد مرحوم داعئ قرآن جو تنظیم اسلامی کے سربراہ تھے، ساری زندگی قرآن پر بات کی اور خلافت پر بات کی، جہاد، پردے پر، ان کے بارے علماء دیوبند کے کیا نظریات ہیں؟
ڈاکٹر اسرار احمد کے بعض نظریات قرآن، حدیث اور اِجماعِ اُمت کے خلاف ہیں، ان کے بعض اَفکار اور طرزِ فکر سے اختلاف کے ساتھ ان کی تحریرات سے استفادہ کی گنجائش اگرچہ ہے، لیکن عوام یا دینی علوم سے ناواقف افراد چوں کہ ڈاکٹر صاحب کے صحیح اور قابلِ اشکال افکار کے درمیان تمییز و فرق کرنے کی صلاحیت نہیں رکھتے ہیں؛ لہذا عوام اور نا پختہ افراد ڈاکٹر صاحب اور ان کی فکر کے حاملین افراد کے بیانات سننے، ان کے دروس میں شرکت کرنے اور لٹریچر و تفسیر سے استفادہ کرنے سے اجتناب کریں۔
فقط واللہ اعلم
فتوی نمبر : 144310101251
دارالافتاء : جامعہ علوم اسلامیہ علامہ محمد یوسف بنوری ٹاؤن