سوال

متوفی کی بیٹی ، بھائی اور 2 بیواؤں کا حصہ بتائیں!

جواب

صورتِ مسئولہ میں مرحوم  کی میراث کی تقسیم کا شرعی طریقہ یہ ہے کہ مرحوم کے حقوقِ متقدمہ یعنی تجہیز و تکفین کا خرچہ نکالنے کے بعد ، اگر مرحوم کے ذمہ کوئی قرض ہو اسے ادا کرنے کے بعد ،اگر مرحوم نے کوئی جائز وصیت کی ہو تو اسے ایک تہائی ترکہ میں سے نافذ کرنے کے بعد، باقی کل ترکہ  کو 16 حصوں میں تقسیم کرکے ایک، ایک حصہ ہر بیوہ کو، 8 حصے بیٹی کو اور  6  حصے بھائی کو ملیں  گے۔

یعنی فیصد کے اعتبار سے 6.25% ہر بیوہ کو، 50.00% بیٹی کو اور 37.50% بھائی کو ملے گا۔

نوٹ : یہ تقسیم اس وقت ہے جب کہ متوفی کی وفات کے وقت اس کا کوئی بیٹا یا والدین حیات نہ ہوں۔ فقط واللہ اعلم