سوال

اڑھائی مرلہ جائیداد میں دو بھائی دو بہنوں کا حصہ بتائیں، والد اور والدہ وفات پا گئے ہیں،  والد کا کوئی اور رشتہ دار بھی نہیں۔

جواب

صورت مسئولہ میں مرحوم کا ترکہ تقسیم کرنے کا طریقہ یہ ہے کہ سب سے پہلے مرحوم کی تجہیز وتکفین کا خرچہ نکالنے کے بعد اگرمرحوم پرکوئی قرض ہو تو اس کو ادا کرنے کے بعد اگر مرحوم نے کوئی جائز وصیت کی ہو تو اسے نافذ کرنے کے بعد مرحوم کی تمام جائیداد منقولہ و غیر منقولہ کو 6 حصوں میں تقسیم کرکے اس کے ہر ایک بیٹے کو 2 حصے اور اس کی ہر ایک بیٹی کو  ایک حصہ ملے گا ۔

صورت تقسیم یہ ہے:

6          مرحوم والدین            

یعنی 100 روپے کے حساب سے  مرحوم کے ہر ایک بیٹے کو33.33روپے اور اس کی ہر ایک بیٹی کو16.66روپے ملیں گے۔ فقط واللہ اعلم