کیا بٹ کوائن یا کرپٹو کرنسی کے ذریعے کاروبار کرنا جائز ہے؟ اگر نہیں جائز تو برائے مہربانی واضح فرمادیجیے کہ آیا سود کی وجہ سے جائز نہیں ہے یا کوئی اور وجہ ہے؟ میرے بہت سے دوست اس کے ذریعے کام کر رہے ہیں اور وہ یہی کہتے ہیں کہ حلال ہے۔ آپ سے گزارش ہے کہ تفصیل سے بیان فرما دیں اس مسئلے کو!
’’بٹ کوائن‘‘ محض ایک فرضی کرنسی ہے، اس میں حقیقی کرنسی کے بنیادی اوصاف اور شرائط بالکل موجود نہیں ہیں، لہذا موجودہ زمانے میں " کوئن" یا "ڈیجیٹل کرنسی" کی خرید و فروخت کے نام سے انٹرنیٹ پر اور الیکٹرونک مارکیٹ میں جو کاروبار چل رہا ہے وہ حلال اور جائز نہیں ہے، وہ محض دھوکا ہے، اس میں حقیقت میں کوئی مادی چیز نہیں ہوتی، اور اس میں قبضہ بھی نہیں ہوتا صرف اکاؤنٹ میں کچھ عدد آجاتے ہیں، اور یہ فاریکس ٹریڈنگ کی طرح سود اور جوے کی ایک شکل ہے، اس لیے " بٹ کوائن" یا کسی بھی " ڈیجیٹل/ کرپٹو کرنسی" کے نام نہاد کاروبار میں پیسے لگانا اور خرید و فروخت میں شامل ہونا جائز نہیں ہے۔
( تجارت کے مسائل کا انسائیکلوپیڈیا: 2/ 92)
فقط واللہ اعلم
فتوی نمبر : 144112200270
دارالافتاء : جامعہ علوم اسلامیہ علامہ محمد یوسف بنوری ٹاؤن
