سوال

اگر کسی کے پاس دس گرام سونا ہے اور وہ اس کے والد صاحب کے پاس ہے تو اس پر قربانی واجب ہو گی؟

جواب

اگر کسی کے پاس دس گرام سونا ہے اور اس نے اپنے والد کے پاس امانت رکھوایا ہے تو اس کی دو صورتیں ہیں:

1۔ صرف دس گرام سونا ہے ،اس کے ساتھ  چاندی ،نقدی یا مالِ تجارت موجود نہیں، اس صورت میں قربانی واجب نہیں۔

2۔ دس گرام سونے کے ساتھ چاندی، نقدی  یا مال تجارت موجود ہے، اور اس کی  مجموعی مالیت ساڑھے باون تولہ چاندی کی قیمت کے برابر ہے تو اس صورت میں قربانی واجب ہے۔  فقط واللہ اعلم