داڑھی میں کالے رنگ کے بغیر کون سا رنگ لگانا جائز ہے؟
داڑھی (اور سر کے بالوں) کو خالص سیاہ رنگ سے رنگنا جائز نہیں ہے، حدیث شریف میں اس کی سخت ممانعت آئی ہے۔ البتہ خالص سیاہ رنگ کے علاوہ دوسرے رنگوں مثلاً کتھئی رنگ سے داڑھی اور سر کے بالوں کو رنگنے کی اجازت ہے۔
صحيح مسلم (3/ 1663):
"عن جابر بن عبد الله، قال: أتي بأبي قحافة يوم فتح مكة ورأسه ولحيته كالثغامة بياضاً، فقال رسول الله صلى الله عليه وسلم: «غيروا هذا بشيء، واجتنبوا السواد»".
یعنی رسول اللہ صلی اللہ علیہ وسلم نے ابو قحافہ (حضرت ابوبکر رضی اللہ عنہ کے والد) کے سفید بالوں کو دیکھ کر فرمایا تھا کہ ان کے سفید بالوں کو رنگ دو، مگر سیاہ رنگ سے بچنا۔
فقط واللہ اعلم
فتوی نمبر : 144110200781
دارالافتاء : جامعہ علوم اسلامیہ علامہ محمد یوسف بنوری ٹاؤن