داڑھی کے بغیر تراویح پڑھائی جا سکتی ہے؟
ایک مشت داڑھی رکھنا شرعاًواجب ہے اور اس سے کم کرانا یا منڈانا ناجائز اور گناہ ہے، لہذا جو شخص داڑھی منڈواتاہو یا شرعی مقدار سے کم داڑھی رکھتاہو ایسے شخص کو امام بنانااور اس کے پیچھے نماز پڑھنا مکروہِ تحریمی ہے، اسی طرح جو افراد فقط رمضان کے لیے داڑھی چھوڑ دیتے ہوں اور باقی مہینوں میں داڑھی منڈواتے ہوں ان کی اقتدا میں بھی تراویح پڑھنا درست نہیں۔
اور اگر ابھی تک داڑھی آئی ہی نہیں ہے لیکن لڑکا بالغ ہے، تو اس کی اقتدا میں نماز پڑھنا جائز ہے، اگر اندیشۂ فتنہ ہو تو اجتناب کرنا چاہیے۔ فقط واللہ اعلم
فتوی نمبر : 144109200151
دارالافتاء : جامعہ علوم اسلامیہ علامہ محمد یوسف بنوری ٹاؤن