سوال

 مجھے اکثر غیر ارادی طور پر ڈرلگتا ہے،  تھوڑی سی بیماری یا تکلیف میں طبیعت  میں حد سے زیادہ پریشانی ہوتی ہے، اس وجہ سے اکثر زیادہ دور جانے سے بھی ڈرتا ہوں،  کوئی کہتا ہے کہ آپ پر جادو ہے وغیرہ ،لیکن الحمدللہ اللہ پر بھروسہ ہے،  آپ صاحبان سے دعا کی درخواست ہے اور ساتھ اس وجہ یا بیماری کے لیے کیا کروں،  مسنون دعا بتادیں۔

جواب

فرائض کی ادائیگی اور  گناہوں سے بچنے کا اہتمام کریں اور  اللہ تعالیٰ سے خوب گریہ وزاری کے ساتھ دعا کیا کریں، ہرپریشانی اور بیماری کا بہترین علاج  ”دعا“ ہے، نیز صبح و شام درج ذیل دعائیں ایک ایک مرتبہ پڑھنے کا اہتمام کریں:

1: "أَعُوْذُ بِوَجْهِ اللهِ الْعَظِیْمِ الَّذِيْ لَیْسَ شَيْءٌ أَعْظَمَ مِنْهُ وَبِکَلِمَاتِ اللهِ التَّامَّةِ الَّتِيْ لَایُجَاوِزُهُنَّ بَرٌّ وَلَافَاجِرٌ، وَبِأَسْمَآءِ اللهِ الْحُسْنیٰ کُلِّهَا مَاعَلِمْتُ مِنْهَا وَمَالَمْ أَعْلَمْ مِنْ شَرِّ مَا خَلَقَ وَبَرَأَ وَذَرَأَ."

2 "أَعُوْذُ بِوَجْهِ اللهِ الْکَرِیْمِ وَبِکَلِمَاتِ اللهِ التَّامَّةِ اللَّاتِيْ لَایُجَاوِزُهُنَّ بَرٌّ وَلَافَاجِرٌ مِنْ شَرِّ مَایَنْزِلُ مِنَ السَّمَآءِ وَمِنْ شَرِّ مَا یَعْرُجُ فِیْهَا، وَشَرِ مَا ذَرَأَ فِي الْأَرْضِ وَشَرِّ مَا یَخْرُجُ مِنْهَا، وَمِنْ فِتَنِ اللَّیْلِ وَالنَّهَارِ وَمِنْ طَوَارِقِ اللَّیْلِ وَالنَّهَارِ إِلَّا طَارِقًا یَطْرُقُ بِخَیْرٍ یَارَحْمٰن."

نیز مسنون دعاؤں  کی کوئی  مستند  کتاب  (مثلاً: مولانا محمد عاشق الٰہی صاحب کی کتاب "مسنون دعائیں") خرید لیجیے، اور اس سے صبح وشام حفاظت کی دعائیں اور بیماری وغیرہ کی دعائیں پڑھنے کا اہتمام کریں۔

فقط واللہ اعلم