سوال

دورانِ عدت بیوہ کا کسی عزیز کی فوتگی پہ جانا کیسا ہے؟مثلا بھائی کی ساس فوت ہوگئی ہے۔

جواب

صورتِ مسئولہ میں دورانِ عدت بیوہ کا  کسی رشتہ دار ،عزیز کی فوتگی میں (تعزیت کے لیے) جانا  جائز نہیں ہے۔ البتہ فون پر تعزیت کرلے، یا کسی کواپنا  نمائندہ بنا کر بھیج دے، جو اس کی طرف سے تعزیت کرے۔

 فتاوی شامی میں ہے:

"(وتعتدان) أي معتدة طلاق وموت (في بيت وجبت فيه) ولا تخرجان منه (إلا أن تخرج أو ينهدم المنزل، أو تخاف) انهدامه، أو (تلف مالها، أو لا تجد كراء البيت) ونحو ذلك من الضرورات فتخرج لأقرب موضع إليه."

(كتاب الطلاق، 536/3،سعيد)

فقط واللہ اعلم