میں نے کرپٹو کرنسی میں کچھ رقم لگائی ہے، مجھے بتائیں کہ یہ حلال کمائی ہوگی یعنی سود وغیرہ تو نہیں ہے؟
واضح رہے کہ کرپٹو کرنسی کامعاملہ اب تک مشکوک ہے، اس کی حیثیت بھی واضح نہیں، نیز پاکستان میں اسے قانونی کرنسی کی حیثیت بھی حاصل نہیں ہے، اس لیے اس کی خرید و فروخت اور اس کے ذریعہ کاروبار کی کسی بھی شکل سے اجتناب کرنا چاہیے؛ لہذا سائل نے کرپٹو کرنسی کے ذریعہ جو نفع حاصل کیا ہے وہ مشتبہ (مشکوک) ہے، سائل کو چاہیے کہ بغیر ثواب کی نیت سے اس کو صدقہ کردے۔ فقط اللہ اعلم
فتوی نمبر : 144205201106
دارالافتاء : جامعہ علوم اسلامیہ علامہ محمد یوسف بنوری ٹاؤن