سوال

گھر والوں سے چھپ کر اگر نکاح کیا اور پھر اگر اعلانیہ نکاح کرنا چاہے تو ایک نکاح پر دوسرا نکاح کرنا کیسا ہوگامطلب ایک ہی لڑکی سے دو بار نکاح کرنا پہلی  دفعہ اگر چھپ کر کیا ہوا ہے تو دوبارہ اعلانیہ کرنا

جواب

صورت مسئولہ میں اصل نکاح پہلا ہی کہلائے گا،  دوسرا نکاح محض رسمی کارروائی سمجھی جائے گی، نیز طلاق وغیرہ کا دارومدار بھی پہلے نکاح پر ہی ہوگا، لہذا اگر پہلے نکاح کے بعد شوہر طلاق دے دے تو وہ طلاق واقع ہوجائے گی۔مہر کے بارے میں یہ تفصیل ہوگی کہ اگر پہلے مہر پر ہی دوسرا نکاح بھی ہوا تو  ایک مہر ہی واجب رہے گا، اور اگر پہلے مہر سے بڑھاکر دوسرا نکاح ہوا ہے تو اِضافہ شدہ رقم بھی اصل مہر میں  شامل ہوکر واجب ہوگی۔ 

مزید تفصیل کے لئے درج ذیل لنک  ملاحظہ  فرمائیں ۔

چھپ کر نکاح کرنے کے بعد اعلانیہ نکاح کرنا

فتاوی شامی میں ہے :

"(قوله: وفي الكافي إلخ) حاصل عبارة الكافي:تزوجها في السر بألف، ثم في العلانية بألفين، ظاهر المنصوص في الأصل أنه يلزم الألفان ويكون زيادة في المهر. وعند أبي يوسف: المهر هو الأول؛ لأن العقد الثاني لغو. فيلغو ما فيه. وعند الإمام: أن الثاني وإن لغا لا يلغو ما فيه من الزيادة".

(الدر المختار مع رد المحتار 3/112)

فقط واللہ اعلم