چرس پینا کیسا ہے؟ حلال، حرام یا مکروہ؟ جب کہ چرس پینے سے عقل باقی رہتی ہو اور خاص نشہ بھی نہیں ہوتا ہو؟
چرس نشہ آور اشیاء میں سے ہے اور نشہ آور اشیاء کا استعمال شرعاً حرام ہے ۔
مفتی اعظم ہند مفتی کفایت اللہ صاحب رحمہ اللہ ایک سوال کے جواب میں تحریر فرماتے ہیں:
"الجواب : گانجا، چرس، افیون، بھنگ یہ سب چیزیں ناپاک نہیں، ان کا کھانا تو حرام ہے؛ اس لیے کہ نشہ لانے والی ہیں یا نشے جیسے آثار و نتائج پیدا کرتی ہیں ۔۔۔ الخ
(کفایت المفتی، کتاب الاشربۃ، (13/256) ط: مکتبہ فاروقیہ)
فقط واللہ اعلم
فتوی نمبر : 144206201423
دارالافتاء : جامعہ علوم اسلامیہ علامہ محمد یوسف بنوری ٹاؤن