سوال

میرے پڑوس میں بہت عجیب اور بدزبانی کرنے والے لوگ آ گئے ہیں، اپارٹمنٹ میں ہر ایک سے ان کا جھگڑا ہو چکا ہے، میں ایک ڈاکٹر ہوں اور تقریباً آدھا دن گھر سے باہر ہوتی ہوں، ہفتے والے دن میں گھر میں ہوتی ہوں اور ان کی پوری کوشش ہوتی ہے کہ وہ کسی بھی چھوٹی سی بات کا ایشو بنائیں، یہاں تک کہ وہ گندی زبان کا بےدریغ استعمال کرتےہیں، میرے والدین حیات نہیں هيں، ہم اس جگہ چالیس سال سے رہ رہے ہیں ، کبھی ایسا نہیں ہوا،میرے دماغ پر یہ ہر وقت سوار رہتے ہیں،دین سے دوری بھی ان کا المیہ ہے۔ 

برائے مہربانی مجھے ان کے شر سے بچنے کی دعا بتا دیں کہ وہ یہاں سے چلے جائیں، ایسا کچھ بتادیں!

مجھے شک ہے کہ یہ قادیانی ہیں۔ کیونکہ یہ گھر جن کا تھا ان کی اہلیہ قادیانی تھیں۔آپ پلیز جتنی جلدی ہوسکے میری مدد کریں!

جواب

پڑوسی کےشر سے بچنے کے لیے مندرجہ ذیل مسنون دعا كو پڑھنے كا اہتمام كريں:

"اللَّهُمَّ إِنِّي أَعُوْذُبِكَ مِنْ يَومِ السُّوْءِ وَمِنْ ليْلَةِ السُّوءِ وَمِنْ سَاعَةِ السُّوءِ وَمِنْ صَاحِبِ السُّوْءِ وَمِنْ جَارِ السُّوْءِ فِي دار الْمُقَامَةِ."

(المعجم الکبیر للطبرانی، ج: 17، ص:294، ط: مکتبه ابن تیمیة القاهرۃ)

ترجمہ: ”اے اللہ میں پناہ مانگتا ہوں تیری برے دن سے، اور بری رات سے ،اور بری گھڑی سے ،اور برے ساتھی سے اور برے ہمسایہ سے سکونت کے گھر میں۔“

(رحمت دوعالمﷺ کی مستنددُعائیں ، ص231، م : مولانا مفتی عبدالسلام چاٹگامی، ط:  اسلامی کتب خانہ)

فقط واللہ اعلم