سوال

میرے شوہر نے میرے ساتھ جھگڑا کیا اور گھر سے جاتے ہوئے مجھے دو مرتبہ یہ الفاظ کہے کہ ”میں تمہیں طلاق دے دوں گا۔“

سوال یہ ہے کہ کیا شرعی طور پر ان الفاظ سے ہمارے درمیان علیحدگی واقع ہوگئی کہ نہیں؟

جواب

صورتِ مسئولہ میں سائلہ کے شوہر کے مذکورہ الفاظ کہ ”میں تمہیں طلاق دے دوں گا۔“ شرعاً ان الفاظ سے کوئی طلاق واقع نہیں ہوئی؛ کیونکہ یہ الفاظ آئندہ مستقبل میں طلاق دینے کی دھمکی ہیں، اور شرعاً محض دھمکی سے کوئی طلاق واقع نہیں ہوتی۔ لہٰذا آپ کا نکاح بدستور قائم و برقرار ہے، اور ان الفاظ سے نکاح پر کوئی اثر نہیں پڑا۔

بدائع الصنائع میں ہے:

"‌وأما ‌بيان ‌ركن ‌الطلاق فركن الطلاق هو اللفظ الذي جعل دلالة على معنى الطلاق لغة وهو التخلية والإرسال ورفع القيد في الصريح وقطع الوصلة ونحوه في الكناية أو شرعا، وهو إزالة حل المحلية في النوعين أو ما يقوم مقام اللفظ."

(فصل في بيان ركن الطلاق، فصل في بيان ركن الطلاق، ج:3، ص:98، ط:ایج ایم سعید)

فتح القدیر میں ہے:

"ولا ‌يقع بأطلقك إلا إذا ‌غلب في الحال."

(كتاب اللاق، باب إيقاع الطلاق، ج:4، ص:7، ط:دار الفكر، بيروت)

فتاویٰ شامی میں ہے:

"وهل التهديد بالطلاق كالطلاق كالعرض على البيع كالبيع؟ لم أره (كبيع) ولو فاسدا (وموت) ولو بقتل العبد نفسه.

وفي الرد: أن ‌التهديد ‌بالطلاق في معنى عرض الطلاق عليها؛ لأن قوله أطلقك إن فعلت كذا بمنزلة قوله: أبيع عبدي هذا."

(کتاب العتق، باب عتق البعض، ج:3، ص:669، ط:ايج ايم سعيد)

فقط والله اعلم