بیوی کی کمائی پر شوہر کا کتنا حق ہے؟
صورتِ مسئولہ میں بیوی کی کمائی اس کی اپنی ذاتی ملکیت ہے، شوہر کا اس میں کوئی حق نہیں ،شوہر اپنی بیوی کی اجازت کے بغیر اس میں تصرف نہیں کر سکتا،بیوی چاہے تو خود خرچ کرے، چاہے تو شوہر اور اولاد پر بھی خرچ کر سکتی ہے۔شوہر کو نہ دینے کی صورت میں گناہ گار تو نہیں ہوگی،البتہ اگر شوہر اور اولاد پر بھی خرچ کرے گی تو وہ دوہرے اجر و ثواب کی مستحق ہوگی،ایک قرابت داری کا اور دوسرا صدقہ کرنے کا۔
بخاری شریف کی حدیث میں ہے:
" لھا اجران اجر القرابة واجر الصدقة ."
(کتاب الزکاۃ،باب الزكاة علي الزوج والأيتام في الحجر،حدیث نمبر:1466)
فقط واللہ اعلم
فتوی نمبر : 144309100686
دارالافتاء : جامعہ علوم اسلامیہ علامہ محمد یوسف بنوری ٹاؤن