سوال

 حامد کا انتقال ہوگیا، ورثاء میں بیوہ، دو حقیقی بہنیں اور ایک علاتی بھائی ہے، متوفٰی کی کوئی اولاد نہیں ہے، والدین انتقال کرچکے ہیں، متوفٰی کی میراث میں ایک دکان ہے،  تو معلوم یہ کرنا ہے کہ اس دکان کا بٹوارہ کیسے ہوگا؟ کس کو کتنا حصہ ملے گا؟ 

جواب

صورتِ مسئولہ میں مرحوم حامد کاترکہ تقسیم کرنے کاشرعی طریقہ یہ ہے کہ مرحوم کے ترکہ سےاُس کے حقوقِ متقدمہ اداکرنے کے بعد یعنی تجہیز وتکفین  کے اخراجات نکالنے کے بعد، اگرمرحوم کے ذمہ کسی کاقرضہ ہو تو اُسے ادا کرنے کے بعد اور اگرمرحوم نے کوئی جائز وصیت کی ہوتوباقی ترکہ کے ایک تہائی میں اُسے نافذ کرنے کے بعد باقی تمام جائیدادِمنقولہ وغیرِمنقولہ کو 12 حصوں میں تقسیم کرکے مرحوم کی بیوہ  کو 3حصے،  ہر ایک حقیقی بہن کو 4حصےاور باپ شریک بھائی کو ایک حصہ ملے گا۔

صورتِ تقسیم یہ ہے:

میت: 12

یعنی 100 روپے میں سے مرحوم کی بیوہ کو 25روپے، ہر ایک حقیقی بہن کو 33.3333روپے اور باپ شریک بھائی کو 8.3333روپے ملیں گے۔

فقط واللہ اعلم