سوال

کیا بیوی کی موجودگی میں اس کی بھتیجی سے نکاح ہو سکتا ہے؟

جواب

بیوی کے نکاح میں ہوتے ہوئے اس کی بھتیجی کو نکاح میں لانا درست نہیں ہے؛ کیوں کہ پھوپھی اور بھتیجی کو ایک ساتھ عقدِ نکاح میں جمع کرنا ناجائز اور حرام ہے، آں حضرت ﷺ کا ارشاد گرامی ہے: عورت کو اس کی پھوپھی کے ساتھ اورعورت کو اس کی خالہ کے ساتھ نکاح میں  جمع نہیں  کیا جاسکتا۔

عن أبي هريرة رضي الله عنه: أن رسول الله صلى الله عليه وسلم قال: «لايجمع بين المرأة وعمتها، ولا بين المرأة وخالتها». (صحيح البخاري (7/ 12)

اور ایک روایت میں  ہے:

 بھتیجی کی موجودگی میں اس کی پھوپھی سے نکاح نہ کرو، اور بھانجی کی موجودگی میں اس کی خالہ سے نکاح نہ کرو،  یعنی پھوپھی بھتیجی کی ساتھ او ر خالہ بھانجی کے ساھ نکاح میں  جمع نہیں  کی جاسکتی۔

عن أبي هريرة قال: سمعت رسول الله صلى الله عليه وسلم يقول: «لاتنكح العمة على بنت الأخ، ولا ابنة الأخت على الخالة». (صحيح مسلم 2/ 1028)

فقط واللہ اعلم