سوال

میں شادی شدہ ہوں میری کوئی اولاد نہیں ہے، اب میں دوسری شادی کرنا چاہتا ہوں لیکن میری بیوی یہ کہ رہی ہے کہ آپ دوسری شادی میری بڑی بہن کی بیٹی یعنی میری بھانجی سے کرو ،سوال یہ ہے کہ میں اپنی بیوی کی سگی بھانجی سے نکاح کر سکتا ہوں؟

جواب

جب  تک  آپ  کی  بیوی  آپ  کے  نکاح  میں  ہے اس وقت تک آپ کا اپنی بیوی  کی بھانجی سے نکاح کرنا جائز نہیں ہے؛ کیوں کہ جس طرح دو بہنوں کو  ایک وقت میں نکاح میں رکھنا جائز نہیں ہے، اسی طرح ایسی دو عورتیں جن کا آپس میں پھوپھی اور بھتیجی  (یا خالہ بھانجی) کا رشتہ ہو ان کو بھی ایک وقت میں نکاح میں جمع کرنا کسی مرد کے لیے جائز نہیں ہے۔

فتاوی شامی میں ہے:

"(و) حرم (الجمع) بين المحارم (نكاحاً) أي عقداً صحيحاً (وعدة ولو من طلاق بائن، و) حرم الجمع (وطء بملك يمين بين امرأتين أيتهما فرضت ذكراً لم تحل للأخرى) أبداً؛ لحديث مسلم: «لاتنكح المرأة على عمتها» وهو مشهور يصلح مخصصاً للكتاب".

(باب النکاح، فصل في المحرمات، 3/ 38، ط: سعید)

فقط واللہ اعلم