سوال

لڑکی کے لیے علایا نام کیسا ہے اور اس کے مطلب کیسے ہیں؟

جواب

صورت مسئولہ میں لفظِ "علایا"  درست نہیں، "عَلیا"(عین پر زبر) کا معنی ہے:ہر بلند چیز ، اونچی جگہ، آسمان، پہاڑ کی چوٹی، عزت و شرافت۔ اور اگر عین پر پیش ہو "عُلْیَا" تو اس کا معنی ہے:  بلند ، اونچی۔  "عُلْیَا"  (القاموس الوحید  -902)نام رکھنا درست ہے۔

نیز نام رکھنے میں بہتر یہ ہے کہ امہات المومنین، صحابیات رضی اللہ عنھن،  صالحات کے نام کے مطابق رکھے جائیں

المھذب فی اختصارسنن الکبیر میں ہے:

"هشيم، عن داود بن عمرو، عن عبد الله بن أبي زكريا الخزاعي (2) عن أبي الدرداء قال رسول الله -صلى الله عليه وسلم-: "إنكم تدعون يوم القيامة بأسمائكم وأسماء آبائكم؛ فأحسنوا أسماءكم."

(‌‌كتاب العقيقة،٨٨٥/٨،ط:دار الوطن للنشر)

فقط والله أعلم