سوال

ایک شخص کا انتقال ہوا ہے، ورثا ء میں صرف بیوہ، تین بیٹے اور تین بیٹیاں ہیں، والدین نہیں ہیں، ترکہ میں ایک 6.5 مرلہ پلاٹ ہے، اس کی تقسیم کس طرح ہوگی؟

جواب

صورتِ مسئولہ میں مرحوم شخص کا ترکہ تقسیم کرنے کا شرعی طریقہ یہ ہے کہ سب سے پہلے مرحوم کے حقوقِ متقدمہ یعنی تجہیز وتکفین کا خرچہ ادا کرنے کے بعداور میت کے ذمہ اگرکوئی قرض ہوتو اسے ادا کرنے کے بعد، میت نے اگر کوئی جائز وصیت کی ہوتو اسے بقیہ ترکہ کے ایک تہائی سے نافذ کرنے کے بعد باقی کل ترکہ منقولہ وغیر منقولہ کو 72 حصوں میں تقسیم کرکے بیوہ کو 9 حصے، مرحوم کے ہرایک بیٹے کو 14حصے اور مرحوم کی ہرایک بیٹی کو 7 حصے ملیں گے۔

تقسیم کی صورت یہ ہے:

میت:72/8

یعنی مثلاً 100 روپے میں سے بیوہ کو12.5روپے، مرحوم کے ہرایک بیٹے کو 19.44روپے اور مرحوم کی ہرایک بیٹی کو 9.72 روپے ملیں گے۔

فقط واللہ اعلم