سوال

میرے سسر کا انتقال ہوا ،ورثاء میں بیوہ دو بیٹےاور تین بیٹیاں ہیں ، مرحوم کے والدین ،دادا،دادی اور نانا نانی کا مرحوم کی زندگی میں انتقال ہوگیا تھا۔

مرحوم کے ترکہ کی تقسیم کا شرعی طریقہ بتائیں۔

جواب

صورتِ مسئولہ میں مرحوم کے کل ترکہ  میں سے تجہیز وتکفین کاخرچہ نکالنے کے بعد، مرحوم پر کوئی قرضہ ہو تواس کو ادا کرنے کے بعد مرحوم نے کوئی جائز وصیت کی ہو تو ایک تہائی ترکہ میں سے اس کو پورا کرنے کے بعد باقی ماندہ ترکہ کو   8 حصوں میں تقسیم کرکے ایک حصہ بیوہ کو، دو حصے ہر ایک بیٹے کو اور ایک ایک حصہ ہر ایک بیٹی کو ملے گا۔

صورت تقسیم یہ ہے:

میت:8

یعنی  سو روپے میں سے ساڑھے بارہ روپے بیوہ کو ، اتنے ہی ہر ایک بیٹی کو  اور پچیس  روپے ہر ایک بیٹے کو ملیں گے ۔

  فقط واللہ اعلم