سوال

ایک صاحب کا انتقال ہو گیاہے ،  ان کی نرینہ اولاد نہیں ہے، پس ماندگان میں ایک بیوہ ، دو بیٹیاں ایک بھائی اور تین بہنیں  ہیں۔ مرحوم کا ترکہ کیسے تقسیم ہوگا ؟

جواب

صورتِ مسئولہ میں مرحوم کے حقوقِ متقدمہ یعنی تجہیز و تکفین کا خرچہ مرحوم کے ترکہ سے پورا کرکےدیکھا جاۓ گا کہ  مرحوم کے ذمہ کوئی قرض ہے  تو اس کی ادائیگی کرکےاگر مرحوم نے کوئی جائز وصیت کی ہوتو اس کو ایک تہائی ترکہ سے نافذ کرنے کے بعد مرحوم کے کُل ترکہ کو 24 حصوں میں تقسیم کرکے 3 حصے بیوہ کو 8 ، 8 حصے مرحوم کی ہر ایک بیٹی کو ، 2 حصے مرحوم کے بھائی کو اور ایک ایک حصہ مرحوم کی ہر ایک بہن کو دیا جاۓ گا۔

یعنی فیصد کے اعتبار سے 12.5 فیصد بیوہ کو ، 33.334 فیصد مرحوم کی ہر ایک بیٹی کو ، 8.334 فیصد مرحوم کے بھائی کو جب کہ  4.1667 فیصد مرحوم کی ہر ایک بہن کو ملیں گے ۔ فقط واللہ اعلم