سوال

والد کا انتقال ہو گیا ہے، ورثاء میں ایک بیوہ، 3 بیٹیاں ،  اور ایک بیٹا ہے ، والد کے گھر کی ملکیت 48 لاکھ ہے، سوال یہ ہے کہ امی اور بہنوں کو کتنا حصہ ملے گا؟

جواب

اگرسائل کے والد  مرحوم کے والدین مرحوم کے انتقال  کے وقت زندہ نہیں تھے اور اس کے ورثاء میں ایک بیوہ، 3 بیٹیاں اور ایک بیٹا (یعنی سائل) ہیں تومرحوم کے ترکہ کی تقسیم کا طریقہ یہ ہے کہ مرحوم کی تجہیزو تکفین کا خرچہ نکالنے کے بعد اگر مرحوم پر کوئی قرض ہو تو اس کو ادا کرنے کے بعد ، اگر مرحوم نے کوئی جائز وصیت کی ہو تو باقی ترکہ کے ایک تہائی سے اس کو نافذ کرنے کے بعد باقی ترکہ منقولہ و غیر منقولہ کو کل 40 حصوں میں تقسیم کر کے5 حصے مرحوم کی بیوہ کو، 14 حصے مرحوم کے بیٹے کواور  7، 7 حصے مرحوم کی ہر ایک بیٹی کو ملیں گے۔ 

صورتِ تقسیم یہ ہے :

مرحوم:8 / 40

یعنی فیصد کے حساب سے12.5فیصد مرحوم کی بیوہ کو،35 فیصد مرحوم کے بیٹے کو اور 17.5 فیصد مرحوم کی ہر ایک بیٹی کو ملیں گے۔ 

یعنی اگر ترکہ کی مالیت حقوقِ متقدمہ ادا کرنے کے بعد 48 لاکھ ہو تو 600000 مرحوم کی بیوہ کو، 1680000مرحوم کے بیٹے(سائل) کو اور 840000 مرحوم کی ہر ایک بیٹی کو ملیں گے۔

اور اگر مرحوم کے والدین یا ان میں سے کوئی ایک ان کے انتقال کے وقت زندہ ہو یا مرحوم کا کوئی اور بیٹا بیٹی ہو ، یاکسی وارث کا انتقال ہوا ہوتو اس کی تفصیل بتا کر دوبارہ تقسیم دریافت کی جائے۔

فقط واللہ اعلم