سوال

اگر ابو زندہ ہو تو کیا بیٹی اپنی حصے کا  مطالبہ کرسکتی ہے ؟ اور کیا اس کا شوہر اسے کہہ سکتا ہے؟ کہ اپنے باپ سے حصہ لو!

جواب

واضح رہے کہ والد کی حیات میں والد کے مال میں اولاد کا کوئی حصہ  نہیں ہے، والد اپنے مال کا خود مالک ہے، اس میں وہ ہر جائز تصرف کرسکتا ہے  ،کسی بیٹے یا بیٹی کوہر گز یہ حق نہیں ہے کہ وہ اپنے والدسے یہ کہے مجھے میرا حصہ دو  اور نہ ہی بیٹی کے شوہر کے لیے جائز ہے کہ وہ اپنی بیوی سے کہے کہ اپنے والد سے اپنا حصہ  لو ۔

 تبيين الحقائق شرح كنز الدقائق میں ہے:

"اعلم أن للإنسان أن ‌يتصرف ‌في ‌ملكه ما شاء من التصرفات ما لم يضر بغيره ضررا ظاهرا."

 (كتاب القضاء،باب مسائل شتى، ج:4، ص:196، ط:دار الكتاب الإسلامي)

فقط واللہ اعلم