اگر باپ دبئی میں موجود ہے اور نابالغ بچے پاکستان میں ہیں تو صدقہ فطر کس حساب سے دینا ہے؟
اگر کوئی شخص بیرون ملک دبئی میں مقیم ہے اور عید الفطر وہیں کرے گا، تو اس پر اپنا اور اپنے نابالغ بچوں کا صدقہ فطر اس کے موجودہ رہائشی ملک دبئی کے نرخ کے حساب سے دینا لازم ہوگا، خواہ وہ یہ قیمت وہیں ادا کرے یا پاکستان بھیج دے، یا اس کی اجازت سے پاکستان میں ادا کی جائے۔
فتاوی شامی میں ہے:
"والمعتبر في الزكاة فقراء مكان المال، وفي الوصية مكان الموصي، وفي الفطرة مكان المؤدي عند محمد، وهو الأصح، وأن رءوسهم تبع لرأسه.
(قوله: مكان المؤدي) أي لا مكان الرأس الذي يؤدي عنه (قوله: وهو الأصح) بل صرح في النهاية والعناية بأنه ظاهر الرواية، كما في الشرنبلالية، وهو المذهب كما في البحر؛ فكان أولى مما في الفتح من تصحيح قولهما باعتبار مكان المؤدى عنه".
(كتاب الزكاة، باب مصرف الزكاة والعشر، فروع في مصرف الزكاة، ج:2، ص:355، ط: سعيد)
فقط والله أعلم
فتویٰ نمبر : 144709101997
دارالافتاء : جامعہ علوم اسلامیہ علامہ محمد یوسف بنوری ٹاؤن
