سوال

بیٹی کی پیدائش ہوئی ہے ،تیرہ دسمبر 2022 کو، اور بیٹی کا نام رکھنا چاہتا ہوں۔ کس حرف سے بیٹی کا نام ان دنوں میں رکھنا جائز ہے؟ منگل کے دن پیدا ہوئی ہے ۔

جواب

اللہ  پاک آپ کی بیٹی کو نیک صالحہ اورآپ لو گوں کے لیے  صدقہ جاریہ  اور  آنکھوں کی ٹھنڈک بنائے، آمین! واضح رہے کہ نام رکھنے کا تعلق تاریخ پیدائش یادن سے نہیں  ہے ،کوئی بھی اچھابامعنی نام رکھ لیں۔

بچوں کے نام صحابہ کرام اور صحابیات کے ناموں پر رکھنا باعث برکت  ہے ،  اور والدین کی خواہش ہوتی ہے کہ بچے /بچی کانام نیا ہو تو سہولت کے لیے چند  صحابیات رضی اللہ عنہن کے اسماء گرامی درج ذیل ہیں: 
"اُمامه . اَرویٰ .آمِنَه . بُریَده . بَریرَه . تَیما . ثُوَبِیه . جُمانه. جُوَیریه . حَمامه . حَرمَله . حَمنَه . حواء . حسّانه . خالده . خَنساء . خَولَه . دُرّه . ذُرّه . رُبیّع (ربیع). رَمله . رُفَیده. رُقُیقه. رُمَیثه . رُمَیصاء . رَوضه . رابطه . زِِنّیره . زُنَیره. سائِبه . ساره .  سِدره . سَدوس . سُدَیسه . سُعاد . سلامه . سُمَیره . سُمَیکه . سَفّانه . شَیماء . شُمَیله . عاتِکه. عَمره . عَفراء .  عُماره . عَمّاره . غَزوه . فَارعه . فُرَیعَه . قَیله . لُبابه . ماریه . ماویه . نائله . نَفیسه . هند . یُسَیرَه".

ہماری ویب سائٹ اور ایپلی کیشن میں "اسلامی ناموں" کےعنوان سے ایک آپشن موجود ہے، جس میں سے آپ نام کا انتخاب کرسکتے ہیں۔

فقط واللہ اعلم