میرا نکاح 2024 میں ہوا، ہم دونوں کو شریعت کا زیادہ علم نہیں تھا، بس کچھ بنیادی باتیں معلوم تھیں۔ 2024 میں مارچ کے مہینے میں ہمارا فون پر جھگڑا ہوا جو بڑھ گیا، اور میں نے اپنی بیوی کو میسج میں لکھا: ”تم مجھ سے آزاد ہو، اب جو چاہو کرو“،ہمارا جھگڑا جاری رہا اور اسی دوران اُس نے مجھے کہا کہ مجھ سے دور ہو جاؤ، تو میں نے جواب میں کہا: ”دیکھنا، میں تم سے دور ہی رہوں گا“۔

جب یہ ہوا تو میرے ذہن میں ”طلاق“ کا لفظ نہیں تھا، لیکن میں یہ چاہتا تھا کہ اب میں اس کے ساتھ مزید معاملہ نہ رکھوں (بری الذمہ ہو جاؤں)۔ اس جھگڑے کے بعدچوں کہ میں ایک سال کے لیے بیرونِ ملک تھا، ہم علیحدہ رہے، لیکن ہم نے اسے طلاق نہیں سمجھا۔ ہم فون پر شوہر اور بیوی کی طرح بات کرتے رہے، مگر کئی بار جھگڑے ہوئے۔ ان جھگڑوں میں میری بیوی نے کئی مرتبہ طلاق مانگی، لیکن میں نے کبھی لفظ ”طلاق“ استعمال نہیں کیا۔ البتہ کئی بار میں نے کہا: ”جا کر کسی اور مرد کے ساتھ رہو“، یا ”میں تمہارے والد سے بات کروں گا“، یا ”میں اس سب سے تنگ آ گیا ہوں“، اور میری نیت یہ ہوتی تھی کہ میں اس مشکل تعلق سے آزاد ہونا چاہتا ہوں، لیکن میرے ذہن میں لفظ  ”طلاق“ نہیں تھا۔

حال ہی میں، ستمبر میں ہونے والے جھگڑے میں میں نے ”طلاق“ کا لفظ تین بار کہا، ہم دونوں یہ جانتے ہوئے کہ اس سے رشتہ ختم ہو جاتا ہے، اسلامی مواد پڑھنے لگے۔ میں نے کچھ تحقیق کی اور معلوم ہوا کہ اگر کنایہ (اشارے والے) یا صریح (واضح) الفاظ سے طلاقِ بائن واقع ہو جائے، جیسے”تم مجھ سے آزاد ہو، جو چاہو کرو“جو میں نے مارچ 2024 میں کہا تھا، تو ایسے الفاظ طلاقِ بائن کا سبب بنتے ہیں، اور اس کے بعد ستمبر 2025 میں دی گئی طلاقیں عدت کے بعد غیر معتبر ہوں گی۔

میرا سوال یہ ہے کہ: میرے یہ الفاظ ”تم مجھ سے آزاد ہو، جو چاہو کرو“، جبکہ میری نیت یہ تھی کہ میں اس سے آزاد ہو جاؤں، لیکن میرے ذہن میں ”طلاق“ کا لفظ واضح طور پر نہیں تھا ، کیا یہ طلاقِ بائن شمار ہوں گے؟
اور اگر ہاں، تو کیا بعد میں 2025 میں دی گئی تین طلاقیں درست ہوں گی یا غیر معتبر؟ یا پھر کیا طلاقِ مغلّظہ (یعنی تین حتمی طلاقیں) ہو چکی ہیں؟