اگر بیت الخلاء اونچائی پر ہو تو بیت الخلاء میں بایاں داخل کیا جائے گا یا اونچائی کی وجہ سے دایاں؟ دونوں میں کس پر عمل ہوگا؟
بیت الخلا میں داخل ہوتے وقت پہلے بایاں پاؤں اندر رکھنا چاہیے، اعمال میں دائیں اور بائیں جانب اختیار کرنے کے متعلق مختلف روایات کی روشنی میں فقہاء نے جو ضابطے طے کئے ہیں، ان کے مطابق ایسے کام جو قابلِ تکریم نہ ہوں یا ان میں نجاست میں تلوث ہو یا ازالہ وترک کا مفہوم پایا جاتا ہو، ان میں بائیں طرف کو ہی ترجیح حاصل ہوگی، بیت الخلاء میں قضائے حاجت کے لئے جانا بھی انہی امور میں سے ہے، اس لئے اس میں بائیں جانب ہی راجح ہے، یعنی بایاں پاؤں پہلے رکھا جائے۔
واللہ اعلم
فتوی نمبر : 144412100282
دارالافتاء : جامعہ علوم اسلامیہ علامہ محمد یوسف بنوری ٹاؤن