کیا لڑکی کا نام بشامہ رکھ سکتے ہیں؟ اس کا معنی بتائیں۔
جی! رکھ سکتے ہیں۔
’’بشامہ‘‘ ایک خوشبو دار درخت کا نام ہے ،جس سے مسواک بنائی جاتی ہے ، اس معنی کے اعتبار سے لڑکیوں کا یہ نام رکھنا درست ہے ، تاہم بہتر یہ ہے کہ بچی کا نام اُمہات المومنین، صحابیات اور نیک خواتین کے نام پر رکھا جائے۔
القاموس الوحید میں ہے :
"البشامة: ایک خوشبودار درخت جس کی لکڑی کی مسواک بنائی جاتی ہے۔ ج:بشام."
(بابُ الباء، ب__ش، ص:140، ط:ادارہ اسلامیات)
لسان العرب میں ہے :
"والبشام: شجر طيب الريح والطعم يستاك به. وفي حديث عبادة: خير مال المسلم شاة تأكل من ورق القتاد والبشام. وفي حديث عمرو بن دينار: لا بأس بنزع السواك من البشامة".
(فصل الباء، ج:12، ص:50، ط:دار صادر)
فقط واللہ اعلم
فتوی نمبر : 144503101767
دارالافتاء : جامعہ علوم اسلامیہ علامہ محمد یوسف بنوری ٹاؤن