سوال

بکری کے پستان (کھیری) کھاناجائز ہے یا نہیں؟

جواب

بکری اور دیگرحلال جانور وں میں سات چیزیں حرام ہیں جن کا کھانا جائز نہیں ہے، وہ سات چیزیں یہ ہیں:

1)دمِ مسفوح ، یعنی بہنے والا خون ۔2)پیشاب کی جگہ (نر و مادہ کی) ۔3)خصیے (فوطے)۔ 4)پاخانے کی جگہ۔ 5)غدود (سخت گوشت)۔ 6)مثانہ (پیشاب کی تھیلی)۔ 7)پِتا۔ 

صورتِ  مسئولہ میں بکری کے پستان(کھیری)ان سات چیزوں میں سے نہیں ہے؛  لہذا اس کاکھانا جائز ہے۔

فتاوی شامی میں ہے:

"ما يحرم أكله من أجزاء الحيوان المأكول سبعة: الدم المسفوح والذكر والأنثيان والقبل والغدة والمثانة والمرارة بدائع."

(‌‌كتاب الأضحية،311/6،ط:دارالفكر بيروت)

فقط واللہ اعلم