سوال

شوہر کے فوت ہونے پر جائیداد کی تقسیم کیسے ہو گی؟

وارثین میں  والد، بیوہ، 2 بیٹیاں، 2 بھائی، ایک بہن ہیں۔

جواب

صورتِ   مسئولہ میں مرحوم کے  حقوقِ متقدمہ (تجہیز و تکفین کے اخراجات، قرض کی ادائیگی اور اگر جائز وصیت کی ہو تو اسے بقیہ ترکے کے ایک تہائی سے)  ادا کرنے کے بعد کل ترکے  کو  24 حصوں میں تقسیم کرکے، 3 حصے بیوہ کو، 8 حصے ہر ایک بیٹی کو، اور 5 حصے مرحوم کے والد کو ملیں گے، جب کہ  مرحوم کے بھائی بہن محروم رہیں گے۔

یعنی 100 روپے میں  سے 12 روپے 50 پیسے بیوہ کو، 33 روپے 33 پیسے  ہر ایک بیٹی کو، اور  20 روپے  83 پیسے والد کو ملیں گے۔ فقط واللہ اعلم