سوال

 ہمارا ایک کیٹل فارم ہے،ہمارے یہاں ترتیب یہ ہوتی ہے کہ ہم دوسرے ملک سے بیل کا مادہ منویہ(اسپرم)خریدتے ہیں، جوکہ پیکنگ(انجیکشن وغیرہ)میں آتا ہے ،اور اسے گائے کے رحم میں ڈاکٹر کے ذریعے ڈلواتے ہیں،تو کیا بیل کے مادہ منویہ(اسپرم) کی خریدوفروخت جائز ہے؟اور اس طرح گائے کو حاملہ کرانا جائز ہے؟

جواب

جانوروں کے  مادہ منویہ (اسپرم)  کی خریدوفروخت اور اس کا کاروبار جائز نہیں ہے،تاہم جانوروں کی افزائشِ نسل کے لیے ان کے مادہ منویہ کی تلقیح(مادہ جانور  کو اس کے ذریعہ حاملہ کرانا) جائز ہے۔

صحيح بخاری میں ہے:

"عن نافع، عن ابن عمر رضي الله عنهما، قال: نهى النبي صلى الله عليه وسلم عن عسب الفحل".

(کتاب الاجارۃ،باب: عسب الفحل،ج:2،ص:797،رقم:2164،ط:دار ابن كثير)

شرح مختصر الطحاوي للجصاص میں ہے:

"قال: (ولايجوز بيع عسب الفحل).
قال أحمد: يعني ما يلقح، وذلك لأنه من الملاقيح، وقد نهى عنه رسول الله صلى الله عليه وسلم. وروى ابن عمر أن النبي صلى الله عليه وسلم "نهى عن عسب الفحل". وقال جابر: "نهى رسول الله صلى الله عليه وسلم عن بيع ضرب الفحل."

(ج:3، ص:97، ط:دار البشائر)

بدائع الصنائع میں ہے:

"ولاينعقد بيع الملاقيح، والمضامين الذي، ورد النهي عنه؛ لأن المضمون ما في صلب الذكر، والملقوح ما في رحم الأنثى، وذلك ليس بمال، وعلى هذا أيضاً يخرج بيع عسب الفحل؛ لأن العسب هو الضراب، وأنه ليس بمال، وقد يخرج على هذا بيع الحمل أنه لاينعقد؛ لأن الحمل ليس بمال".

(کتاب البیوع،فصل في الشرط الذي يرجع إلى المعقود عليه،ج:5،ص:145،ط:سعید)
فقط واللہ اعلم