بدن کے کسی حصے سے خون نکلنے کے بعد استنجا کرنا ضروری ہے کہ نہیں؟
اگلی یا پچھلی شرم گاہ سے کسی ظاہری نجاست کے نکلنے کے بعد استنجا کرنا لازمی ہوتا ہے، جسم کے باقی کسی حصہ سے خون نکل کر بہنے کی صورت میں اس حصہ کو پاک کرنا لازم ہے، استنجا کرنا لازم نہیں، البتہ خون نکلنے سے وضو ٹوٹ جاتاہے، لہذا بدن کے کسی حصہ سے خون نکلنے کے بعد استنجا لازم نہیں، صرف وضو کرنا کافی ہے۔
فتاوی شامی میں ہے:
"فصل: الاستنجاء: إزالة نجس عن سبيل فلايسن من ريح وحصاة ونوم وفصد".(1/335)
فقط واللہ اعلم
فتوی نمبر : 144203200175
دارالافتاء : جامعہ علوم اسلامیہ علامہ محمد یوسف بنوری ٹاؤن