سوال

میری بیٹی کا نام ارہا بلال ہے ،ہمیں اس کے نام کا صحیح مطلب  معلوم نہیں، اور ہمیں ڈر ہے کہ کہیں یہ نام اس پر بھاری نہ ہو، کیوں کہ وہ اکثر بیمار رہتی ہے ،برائے مہربانی اس کے نام کا مطلب بتا دیں۔

جواب

صورتِ مسئولہ میں لفظ "ارہا " یعنی"ہ" کے ساتھ عربی اردو لغات میں مستعل نہیں ،البتہ اس کا تلفظ  عربی لغت میں"ارحا" یعنی "ح"کے ساتھ کیا جاتا ہے،اور اس معنی" چکی اور داڑھ کے ہیں"اوراس کے اندر کسی چیز کو گھمانے کا معنی بھی ہے،لہذا بہتر ہے کہ صحابیات کے ناموں میں سے کسی نام کا انتخاب کر کے نام رکھا جائے۔

المدخل إلى تقويم اللسان میں ہے:

"ويقولون لبيت ‌الرحا: (الطاحونة). وإنما الطاحونة الطحانة التي تدور بالماء، والجمع: الطواحين."

(باب ما جاء لشيئين أو لأشياء فقصروه على واحد، ص:375 ط: دار البشائر)

المغرب فی ترتیب المعرب میں ہے:

"رحي"  الرَّحى مؤنث وتثنيتُها رحَيان والجمع أرحاءُ وأَرْحٍ وأنكر أبو حاتم الأَرْحِية. وقوله: ما خلا الرَحَى أي وضع الرحى وتستعار، الأرحاء للأضراس وهي اثنا عشر."

( باب الراء المهملة، الراء مع الدال المهملة، ص:186 ط: دار الکتاب العربی)

فقط واللہ اعلم