چھوٹے بچے کے پیشاب کرنے کے بعد اگر اس کے جسم کو ٹشو پیپر سے صاف کردیا جائے تو وہ کیا پاک ہوجاتا ہے؟ کیوں کہ کی ہر دفعہ پانی سے دھونے پر سردی کا ڈر ہے۔
چھوٹے بچے کا پیشاب بھی ناپاک ہے، اگر وہ کپڑے پر لگ جائے تو اس کو پاک کیے بغیر نماز پڑھنا درست نہیں ہوگا، اس لیے بچہ کا پیشاب کسی مرد یا عورت کے کپڑوں پر لگ جائے تو اس کو پاک کرنا ضروری ہے، لیکن بچے کے پیشاب کرنے کے بعد خود اس بچے کو ہر بار پانی سے دھلانا ضروری نہیں ہے, بلکہ کپڑے، ٹشو یا بے بی وائپس وغیرہ صاف کرکے ان کے کپڑے تبدیل کیے جاسکتے ہیں، پھر صاف کپڑوں میں اس بچے کو اٹھانے سے اٹھانے والے کے کپڑے بھی ناپاک نہیں ہوں گے۔ فقط واللہ اعلم
فتوی نمبر : 144109201467
دارالافتاء : جامعہ علوم اسلامیہ علامہ محمد یوسف بنوری ٹاؤن