فاطمہ اور خدیجہ دو بہنیں ہیں، ایک بہن فاطمہ کے ساتھ زید اور دوسری بہن خدیجہ کے ساتھ عمر نکاح کے خواہش مند ہیں، حال یہ ہے کہ زید والد اور عمر بیٹا ہے، اب دریافت یہ کرنا ہے کہ آیا ان دونوں باپ بیٹے کا ان دونوں بہنوں سے نکاح کرنا درست ہے؟
مذکورہ باپ (زید) اور بیٹے (عمر) کا ایسی دو عورتوں سے نکاح کرنا جو آپس میں بہنیں ہوں جائز ہے، بشرطیکہ حرمت کی کوئی اور وجہ (مثلاً: رضاعت) نہ ہو۔ فقط واللہ اعلم
فتوی نمبر : 144202201011
دارالافتاء : جامعہ علوم اسلامیہ علامہ محمد یوسف بنوری ٹاؤن