سوال

b4u میں انویسمنٹ کرنا جائز ہے یا نہیں؟ جب کہ وہ مختلف کاروبار بھی کر رہے ہیں اور انہوں نے منافع مقرر نہیں کیا ہوا؟

جواب

مذکورہ ادارے کی ویب سائٹ سے حاصل شدہ معلومات کے مطابق B4U ٹریڈز نامی ادارہ کرپٹو کرنسی کے ذریعہ بزنس کرتا ہے، کرپٹو کرنسی حکومتِ  پاکستان کی جانب سے منظور شدہ نہیں ہے؛ فی الحال اس کرنسی کے جواز و عدمِ جواز پر توقف اختیار کیا گیا ہے، نیز مذکورہ کمپنی بعض پیکجز میں منافع فکس رکھتی ہے، پس جب تک مذکورہ کمپنی کے تمام پہلو مکمل واضح نہ ہو جائیں، اس وقت تک  پہلی قسم (یعنی جس میں منافع متعین نہیں ہوتا) میں بھی انویسٹمنٹ کرنے سے   اجتناب کیا جائے، جب کہ دوسری صورت جس میں منافع متعین ہوتا ہے،  وہ بہر صورت جائز نہیں۔

نیز پہلی صورت جس میں منافع متعین نہیں ہوتا، اس معاملے کی تفصیل اور شرائط وغیرہ دیکھ کر اس بارے میں مزید واضح حکم بتایا جاسکتاہے، کیوں کہ صرف منافع فکس نہ ہونے سے منافع حلال نہیں ہوتا، بلکہ دیگر شرعی حدود و شرائط کا لحاظ رکھنا بھی ضروری ہے۔

B4U a Secure Cryptocurrency Trading Company its Infrastructure Facilitates Investment in the Cryptocurrencies industry with Daily Profit Growth on Investment. B4U is group of people who have large experience of trading, investment tricks and market scope. By using their skills and expertise we trade your investment in the market and earn profit. our major investment domains are as following: Investment in property deals Investment in Crypto Exchange Investment in Information Technologies Investment in Transport Services Investment in Trading

 فقط واللہ اعلم