محمد اذلان نام رکھنا کیسا ہے؟ رہنمائی فرمائیں۔
اردو، عربی اور فارسی تینوں زبانوں کی لغت کی کتابوں میں تلاش کرنے کے باوجود ’’اذلان‘‘ کا معنی نہیں مل سکا، بظاہر یہ کسی اور زبان کا لفظ ہے۔ البتہ انٹرنیٹ میں تلاش کرنے سے یہ پتا چل رہا ہے کہ اس لفظ کا معنی ہے: شیر، بہادر۔ اور یہ ترکی زبان کا لفظ ہے۔ اسی طرح ملائی زبان میں بھی اس کا استعمال پایا جاتاہے۔ بہرحال اگر یہ معنی درست ہو تو ''اذلان'' نام رکھنا جائز ہے، لیکن بہتر یہ ہے کہ بچوں کے نام حضرات انبیاء کرام علیہم السلام و التسلیمات اور صحابہ کرام رضوان اللہ علیہم اجمعین کے ناموں پر رکھے جائیں یا کم از کم عربی کے اچھے معنی والے نام رکھے جائیں۔
ناموں کے سلسلہ میں ہماری سائٹ کے ناموں کے سیکشن سے بھی استفادہ کیا جاسکتا ہے جس کا لنک مندرجہ ذیل ہے۔
فقط واللہ اعلم
فتوی نمبر : 144410100933
دارالافتاء : جامعہ علوم اسلامیہ علامہ محمد یوسف بنوری ٹاؤن