شادی کو ڈھائی سال ہوگئے، کوئی اولاد نہیں ہے، ایک دفعہ بچہ ضائع ہوچکا ہے، دوبارہ کوئی امید نہیں ہوئی ہے، برائے مہربانی اولاد کے لیے کوئی دعا بتادیں!
آپ پنج وقتہ نمازوں کا اہتمام کریں، اور فرض نمازوں کے بعد اور تہجد میں اللہ تعالیٰ سے خوب گڑگڑا کر دعا کریں، نیز درج ذیل وظیفہ درجِ ذیل طریقے سے گیارہ دن مسلسل پڑھنے کا اہتمام کریں :
عشاء کی نماز کے بعد ”سورۃ الضحیٰ“ سات مرتبہ اور”یَافَتّاحُ“ سو (100) مرتبہ پڑھ کر پانی پر دم کرکے پئیں اور اس کو اپنے اوپر چھڑکیں بھی۔
نیز ہر نماز کے بعد سات مرتبہ درج ذیل دعا کا اہتمام کریں، اللہ کی ذات سے قوی امید ہے کہ وہ ان کو اولاد کی نعمت عطا کردے گا:
﴿ رَبِّ لَا تَذَرْنِي فَرْدًا وّأََنتَ خَيْرُ الْوَارِثِينَ﴾
فقط واللہ اعلم
فتوی نمبر : 144212202038
دارالافتاء : جامعہ علوم اسلامیہ علامہ محمد یوسف بنوری ٹاؤن