سوال

اگرعصرکی نمازمیں دوسراقعدہ نہیں کیا اورپانچویں رکعت کے لیے اٹھ گئے توکیاکریں؟

جواب

اگرکوئی شخص چار رکعت  فرض نماز  ادا کررہا  تھ مثلاً عصر کی نماز اور  چوتھی رکعت کا قعدہ نہیں کیا   اور  پانچویں رکعت کے لیے   کھڑا ہوگیا تو  جب تک  وہ پانچویں رکعت کا سجدہ  نہ کرلے  قعدہ  کی طرف  واپس لوٹ آئے  اور سجدہ سہو کرکے نماز مکمل کرلے، لیکن اگر پانچویں رکعت کا سجدہ کرلیا تو اب یہ فرض فاسد ہوجائیں گے (خواہ اس کے بعد ایک رکعت ملاکر چھ رکعات پڑھ کر سجدۂ سہو کرلے)،  انہیں دوبارہ پڑھنا ہوگا۔  

الفتاوى الهندية (1/ 129):
’’وإن لم يقعد على رأس الرابعة حتى قام إلى الخامسة إن تذكر قبل أن يقيد الخامسة بالسجدة عاد إلى القعدة، هكذا في المحيط. وفي الخلاصة: ويتشهد ويسلم ويسجد للسهو، كذا في التتارخانية. وإن قيد الخامسة بالسجدة فسد ظهره عندنا، كذا في المحيط‘‘. فقط والله أعلم