آج کی ظہر کی قضا آج ہی کی عصر کی نماز کے بعد ادا کر سکتے ہیں؟
عصر کے بعد سورج کے زردی مائل ہونے سے پہلے تک آج یا کسی بھی دن کی ظہر یا دیگر قضا نمازیں پڑھنا درست ہے، سورج کے زردی مائل ہوجانے کے بعد سے لے کر سورج غروب ہوجانے تک اس دن کی عصر کے علاوہ باقی کوئی نماز ادا نہیں کی جاسکتی۔
البتہ عصر کی نماز کے بعد اگر قضانماز پڑھنی ہو تو گھر میں یا ایسی جگہ پڑھنی چاہیے جہاں لوگ نہ دیکھیں؛ اس لیے کہ عصر کے بعد نماز پڑھتا دیکھ کر لوگ سمجھ جائیں گے کہ یہ قضا نماز ہے، اور جان کر بلاعذر نماز قضا کرنا گناہ ہے، اور گناہ کا اظہار درست نہیں ہے، اسی طرح لوگوں کو بدگمانی کا موقع نہ ملے یہ نوافل پڑھ رہا ہے۔فقط واللہ اعلم
فتوی نمبر : 144205200372
دارالافتاء : جامعہ علوم اسلامیہ علامہ محمد یوسف بنوری ٹاؤن