کیا عصر میں ظہر کی قضا پڑھ سکتے ہیں ؟
عصر کے وقت میں ظہر کی قضا پڑھنا جائز ہے چاہے عصر کی نماز سے پہلے پڑھے یا عصر کی نماز کے بعد ،البتہ عصر کے آخری وقت میں جب سورج غروب ہونے سے پہلے زرد ہوجاتا ہے اس وقت کوئی بھی نماز پڑھنا جائز نہیں ہے سوائے اسی دن کی عصر کی نماز کے۔
نیز اگر عصر کے بعد قضا پڑھنی ہو تو بہتر یہ ہے کہ ایسی جگہ میں نہ پڑھے جہاں لوگ دیکھتے ہوں، کیوں کہ اس میں نماز قضا کرنے کی کوتاہی کا اظہار ہے، اور اپنی غفلت و کوتاہی کا اظہار پسندیدہ نہیں ہے۔ فقط واللہ اعلم
فتوی نمبر : 144109201477
دارالافتاء : جامعہ علوم اسلامیہ علامہ محمد یوسف بنوری ٹاؤن