"اروش" نام کی تفصیل بتا دیں، بیٹی کا نام رکھنا کیسا رہے گا؟
اگر اسے "اُرُوْش" پڑھا جائے تو یہ "اَرش" کی جمع ہے، بمعنی زخم، یا زخم کی دیت/تاوان۔ اور اگر یہ "اَرْوَش" ہو تو یہ مذکر صفت ہے، اور اس کا معنی ہے: کم عقل، بدھو، کندھ ذہن ۔
مذکورہ نام نہ رکھا جائے۔ صحابیات رضوان اللہ علیہن کے اسماء میں سے کسی نام کا انتخاب کر لیا جائے، یا عمدہ معانی کے ناموں میں سے کوئی نام رکھ لیا جائے۔
ناموں کے حوالے سے راہ نمائی کے لیے ہماری ویب سائٹ پر موجود اسلامی نام کا انتخاب کرکے استفادہ کیا جا سکتا ہے۔
أروَش : (معجم الرائد) :
"أروش في عقله خفة ، غبي ، أبله ، جمع : روش ، مؤنث روشاء."
فقط واللہ اعلم
فتوی نمبر : 144208200472
دارالافتاء : جامعہ علوم اسلامیہ علامہ محمد یوسف بنوری ٹاؤن