میں نے اپنے بیٹے کا نام "عرشمان" رکھا ہے، کچھ لوگ کہتے ہیں کہ یہ نام ٹھیک نہیں ہے!
عرش: عربی کا لفظ ہے اردو اور فارسی میں بھی مستعمل ہے، اس کے معنی: چھت، تخت، آسمان، آٹھواں آسمان۔
مان: سنسکرت اور اردو کا لفظ ہے، اس کے معنی: گھمنڈ، غرور، تکبر ، نخوت (2) عزت، قدر، منزلت (3) خاطر تواضع، آؤ بھگت کے آتے ہیں۔ (فیروزاللغات)
یہ لفط ناموں کے لیے غیر مانوس ہے، اور اس کے معانی بھی اچھے نہیں ہیں اس لیے اس کے بجائے بچوں کے نام انبیاءِ کرام علیہم السلام، صحابہ کرام رضی اللہ عنہم، تابعین اور صلحاء امت رحمہم اللہ کے ناموں پر یا کوئی اچھا بامعنی نام رکھنا چاہیے۔ فقط واللہ اعلم
فتوی نمبر : 144202200691
دارالافتاء : جامعہ علوم اسلامیہ علامہ محمد یوسف بنوری ٹاؤن