عقیقہ میں کوئی اور چیز بانٹ سکتے ہیں، مثلاً چاول بانٹنا یا کوئی اور چیز ؟
عقیقہ میں جانور ذبح کرنا مسنون ہے، ذبح کرنے کے بعد گوشت تقسیم کرنا ضروری نہیں، اس گوشت کو چاولوں میں پکاکر یا سالن بناکرتقسیم بھی کرسکتے ہیں، اور خود بھی کھاسکتے ہیں۔
اگر عقیقے کے لیے جانور ذبح کرنے کی استطاعت نہ ہو تو صرف چاول وغیرہ تقسیم کرنے سے عقیقہ ادا نہیں ہوگا۔
تاہم اگر کوئی خوشی کے موقع پر اناج یا مٹھائی وغیرہ تقسیم کرنا چاہے، تو تقسیم کر سکتا ہے، بشرطیکہ اسے ضروری یا سنت نہ سمجھا جائے۔ فقط واللہ اعلم
فتوی نمبر : 144112200451
دارالافتاء : جامعہ علوم اسلامیہ علامہ محمد یوسف بنوری ٹاؤن