عقیق پتھر کی شرعی حیثیت کیا ہے؟
واضح رہے کہ انگوٹھی میں جو مختلف قسم کے پتھر تاریخِ پیدائش یا نام کے حساب سے لگوائے جاتے ہیں، (مثلاً: عقیق، فیروز، یاقوت وغیرہ) اس کے بارے میں یہ اعتقاد ویقین رکھنا کہ فلاں پتھر میری زندگی پراچھے اثرات ڈالتا ہے یہ عقیدہ غلط ہے؛ لہذا اس عقیدے کے ساتھ انگوٹھی پہننا ناجا ئز وحرام ہے۔ زند گی پراچھے برے اثرات انسان کے اپنے عملِِ صالح یا عملِِ بد سے آتے ہیں، نہ کہ پتھرسے۔ مذکورہ عقیدہ نہ ہوتو اپنے ذوق کے اعتبار سے کوئی بھی پتھر لگایا جاسکتا ہے۔
لیکن کسی حدیث سے اسے متعلق کرنا یا احادیث کی طرف اس کے کسی فائدہ کو منسوب کرنا درست نہیں ہے، بلکہ رسول اللہ صلی اللہ علیہ وسلم پر بہتان کے زمرے میں آئے گا، اس سے اجتناب کرنا ضروری ہے ۔ فقط واللہ اعلم
مزید تفصیل کے لیے درج ذیل لنکس پر فتاویٰ ملاحظہ کیجیے:
لکی پتھر اور لکی نمبر جاننے کا حکم
فتوی نمبر : 144203200009
دارالافتاء : جامعہ علوم اسلامیہ علامہ محمد یوسف بنوری ٹاؤن