سوال

ہمارے نبی صلی اللہ علیہ وسلم کی کتنی شادیاں  ہوئی تھیں؟

جواب

رسول اللہ صلی اللہ علیہ وسلم  کے نکاح میں  کل   گیارہ خواتین  آئیں،جنہیں ازواجِ مطہرات کہا جاتا ہے، ان میں سے دو یعنی حضرت خدیجہ اور زینب بنت خزیمہ رضی اللہ عنہما آپ صلی اللہ علیہ وسلم کی حیاتِ مبارکہ میں انتقال کر گئیں ، اورنو آپ صلی اللہ علیہ وسلم  کی وفات کے وقت حیات تھیں، جن کے نام یہ ہیں:

1۔حضرت سودہ   2۔حضرت عائشہ  3۔حضرت حفصہ  4۔حضرت ام سلمہ 5۔ حضرت زینب بنت جحش  6۔حضرت ام حبیبہ 7۔حضرت جویریہ  8۔ حضرت صفیہ  9۔ حضرت میمونہ رضی اللہ تعالیٰ عنہن۔  فقط واللہ اعلم