سوال

میری بیٹی کا نام (انابیہ نور) ہے. اب ماشاءاللہ 4 سال کی ہے. اب کچھ لوگ کہہ رہے یہ نام اسلامی لحاظ سے درست نہیں ہے، برائے مہربانی رہنمائی فرمائیں کیا یہ نام اسلامی طرز سے درست ہے یا نہیں اور اس نام کا مطلب کیا ہے؟

جواب

"انابیہ"،"اَناب"(ہمزہ کے فتحہ کے ساتھ )سے اسم منسوب موٴنث ہے، جس کے معنی ہیں مشک، یا مشک کی  مانند ایک خاص قسم کی خوشبو، جب کہ "نور"  کے معنی روشنی کے ہیں۔   معنیٰ کے اعتبار سے یہ نام رکھنا درست ہے۔

المعجم الوسیط میں ہے:

"(الأناب) المسك أو عطر يشبهه."

(باب الهمزة جلد 1 ص: 28 ط: دارالدعوة)

فقط واللہ اعلم