بِسْمِ اللَّهِ الرَّحْمَنِ الرَّحِيم

5 رجب 1444ھ 28 جنوری 2023 ء

دارالافتاء

 

ایمازون کے ذریعے کاروبار کرنا


سوال

آج کل ایمازون ویب سائٹ پر آن لائن(Arbitrage)کے نام سے ایک بزنس ماڈل کام کررہا ہے، اس کے بارے میں بتادیں کہ یہ جائز ہے یا نہیں ؟

جواب

ایمازون (Amazone) پر مذکورہ بالا بزنس کا طریقہ کار اور شرائط معلوم ہونے پر ہی اس کا حکم بیان کیا جاسکتا ہے، البتہ ہماری  اجمالی معلومات کے مطابق ایمازون (Amazone) پر آن لائن کاروبار کرتے وقت اکثر و بیشتر ’’بیع قبل القبض‘‘(مال خریدنے کے بعد قبضہ کرنے سے پہلے آگے دوسرے کو فروخت کرنا)  کی صورت پیش آتی ہے جو کہ احادیث کی رو سے ناجائز ہے، اس لیے ’’ایمازون (Amazone)‘‘ پر کاروبار کی جن صورتوں میں ’’بیع قبل القبض‘‘ پائی جاتی ہے، وہ تمام صورتیں تو واضح طور پر ناجائز ہیں، اس کے علاوہ اگر آپ ایمازون (Amazone) پر مذکورہ کاروبار کرنے کا مکمل طریقہ کار اور شرائط لکھ کر بھیج  دیں تو اس کا حکم بتادیا جائے گا۔اور اگر ایمازون سے مال خریدنے کے بعد خود یا وکیل کے ذریعے قبضہ کرنے کے بعد آگے فروخت کرے تو یہ جائز ہے۔

مسلم شریف میں ہے:

"عن ابن عباس، أن رسول الله صلى الله عليه وسلم قال: «من ابتاع طعاماً فلايبعه حتى يستوفيه»، قال ابن عباس: وأحسب كل شيء مثله."

(کتاب البیوع، باب بطلان بیع المبیع قبل القبض، ج:3/1159 ،ط:دار إحیاءالتراث العربي)

وفیه أیضاً :

"عن ابن عمر، قال: «كنا في زمان رسول الله صلى الله عليه وسلم نبتاع الطعام، فيبعث علينا من يأمرنا بانتقاله من المكان الذي ابتعناه فيه، إلى مكان سواه، قبل أن نبيعه»."

(کتاب البیوع، باب بطلان بیع المبیع قبل القبض، ج:3/1160 ،ط:دار إحیاءالتراث العربي)

فتاویٰ شامی میں ہے:

"(لا) يصح ... (بيع منقول) قبل قبضه ولو من بائعه ... والأصل أن كل عوض ملك بعقد ينفسخ بهلاكه قبل قبضه فالتصرف فيه غير جائز ... وفي المواهب: وفسد بيع المنقول قبل قبضه، انتهى. ونفي الصحة يحتملهما ... (قوله: ونفي الصحة) أي الواقع في المتن يحتملهما أي يحتمل البطلان والفساد والظاهر الثاني؛ لأن علة الفساد الغرر كما مر مع وجود ركني البيع، وكثيراً ما يطلق الباطل على الفاسد."

(کتاب البیوع، باب المرابحة و التولیة، فصل في التصرف في المبیع الخ،5/147،ط:سعید)

فقط واللہ اعلم 


فتوی نمبر : 144402101742

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں